Акафист священномученику Стефану Грачёву

Тропарь, глас 2

Благодати Божией сияние, святый угодниче веры Христовой, в земле Брянской просиявый, священномучениче отче Стефане! В мученичестве за Христа прославленный, любовию к Богу пламеневый, услыши нас, недостойных чад твоих, с верою тебе вопиющих, да простит нам Господь прегрешения наша.

Кондак, глас 5

В церкве святе священнодействитель, доблестный стратилате Христов, отче Стефане, житием своим высоты добродетелей достигнутый, крест свой понесе незлобиве, яко адаманте твердый злочестивым рече: не отрёкуся от веры православней, но крест свой достойне восприиму. О, священномучениче и молитвенниче, помощь всем подающий с верою тебя призывающим, моли Человеколюбца Бога да прегрешение оставление подаст душам нашим.

Величание:

Величаем тя, священномучениче отче Стефане, и чтим святую память твою, ты бо молиши о нас, Христа Бога нашего.


Кондак 1

Избранный сосуде Духа Святаго, лозо многоплодная винограда Христова, Брянской земли похвало, отче Стефане досточудне!
Приими от нас хвалебное сие пение, ты же яко имеяй дерзновение ко Господу, от всяких нас бед свободи, да зовем ти:
Радуйся, священномучениче Стефане, Земли Российския молитвениче достохвальный.

Икос 1

Мученикам в страданиях за веру подражая, кротостию и смирением Богу угодил еси, священномучениче отче Стефане и Духа Святого сподобился еси!
Мы же подвигу твоему дивящеся, вопием тебе сицевая:
  Радуйся, от рождения Богом избранный;
радуйся на служение Господу призванный.
  Радуйся, в монастыре послушником подвизавыйся;
радуйся, доблестным воином называвыйся.
  Радуйся, землю Брянскую своею кровию обагривый;
радуйся, житием праведным Богу угодивый.
  Радуйся, угодниче, добрый подвиг у Христа испросивый;
радуйся, многих в вере православней утвердивый.
  Радуйся, с любовию о Господе проповедавый;
радуйся, пред мучителями веру во Христа исповедавый.
  Радуйся, неистощимое сокровище познавый;
радуйся, мир имети с искренними желавый.
  Радуйся, священномучениче Стефане, Земли Российския молитвениче достохвальный.

Кондак 2

Видяще к тебе идуща людей множество, священномучение отче Стефане, приял еси всех с любовию и на камени веры утвердил еси. Мы же тя, угодника Божия почитающе, взываем ко Господу и Владыке всяческих: Аллилуиа.

Икос 2

Разум имея о святей Троице, земное служение на священническое променявый, и попечение свое от земного к горняму устремил еси, та же и мы Благодатию Божиею вознесемся душою и мыслию к обителям райским, идеже ты ныне пребываши, и воспоем ти сице:
   Радуйся, древо масличное окрест Царствия Божия;
радуйся, утешение молящихся множество.
   Радуйся, пустыни Площанской послушниче;
радуйся, скорбящим помощниче и приятельниче.
  Радуйся, о службах церковных ревновавший;
радуйся, священнослужения подвиг приявший.
  Радуйся, Земле Русския хваление;
радуйся, нищим заступление.
   Радуйся, скорби и поругания возлюбивый;
радуйся, злобу диаволю посрамивый.
  Радуйся, заповеди Христовы соблюдавый;
радуйся, в мученичестве просиявый.
  Радуйся, священномучениче Стефане, Земли Российския молитвенниче достохвальный.

Кондак 3

Силою Божиею укрепляемый свыше, священномучениче отче Стефане, в житии исповеднеческом и мученическом мученицем Церкви древния подражая, в смирении и кротости молился еси ко Господу: Аллилуиа.

Икос 3

Велию имеяй веру к Богу и упование на Спаса, прошёл еси в годы гонений: страдания, поругания, темничное заточение и тела убиение, помня заповедь Христову: не бойтесь убивающих тело, души же не могущих убити. Темже и мы, прославляя подвиг твой, вопием ти сице:
  Радуйся, святыни от поругания спасавый;
радуйся, подвигу древних подражавый.
  Радуйся, храма усердный служителю;
радуйся, дома Божия изрядный попечителю.
  Радуйся, нелицимерное благочестие показавый;
радуйся, страждующим помогавый.
  Радуйся, за овец душу полагающий;
радуйся, Словом Божиим чады питающий.
  Радуйся, пастырь добрый, верных удивление;
радуйся, в годину искушения всех окормление.
  Радуйся, благовестия неоставляющий;
радуйся, правды Божией алчущий.
  Радуйся, священномучениче Стефане, Земле Российския молитвенниче достохвальный.

Кондак 4

Супружницу, яко голубицу чисту, избра ю себе в помощницу, и церковь домашнюю, яко церковь Божию устроил еси, мы же ваш благословенный союз прославляюще вопием к Богу: Аллилуиа.

Икос 4

Блажени есте, егда поносят вам, и ижденут, и рекут всяк зол глагол на вы лжуще Мене ради, рече Господь Своим учеником. И тако положено бысть святого мученичества и исповедничества за Христа основание. Сие божественное уставление ведуще, исполнил еси, отче Стефане на твердом камени смирения, темже восхвалим Божия Угодника сице:
  Радуйся, нищету духа возлюбивший;
радуйся, на молитве о грехах плачущий.
  Радуйся, от Бога получивый утешение;
радуйся, стяжавый истинное смирение.
  Радуйся, кротость стяжавый;
радуйся, милосердие ко страждующим источавый.
  Радуйся, правды Божьей жаждующий;
радуйся, спасения алчующий.
  Радуйся, чистем сердцем Бога узревый;
радуйся, подвиг исповедничества восприемый.
  Радуйся, изгнанный правды ради;
радуйся, благодарне к Богу приявый напасти.
  Радуйся, священномучениче Стефане, Земли Российския молитвенниче достохвальный.

Кондак 5

Проповедниче Истины явился еси, богоносне отче Стефане, наставляюще вся ближняя и дальняя, якоже свет на подсвечнице и светиши всем в доме. Сице тобою наученнии, взываем ко Господу радостно: Аллилуиа.

Икос 5

Исполнил еси до крове заповедь Христову: всяк убо иже исповесть Мя пред человеки, исповем его и аз пред Отцем Мо­им, иже на небесех. Юженицы же твои в заточении тя посещаще, отче Стефане, и искушения не убояшеся. Мы же дивящеся благочестию твоему, вопием ти сице:
  Радуйся, Благодати Христовой сияние;
радуйся, козней бесов осмеяние.
  Радуйся, Матери Церкви украшение;
радуйся, победивый возношение.
  Радуйся, неверных устрашение;
радуйся, пламеней страстей погашение.
  Радуйся, милость, яко царский путь избравый;
радуйся, старцев Площанских почитавый.
  Радуйся, душ и телес целебниче;
радуйся, Церкви Христовой светильниче.
  Радуйся, славный мучениче и исповедниче;
радуйся, богомудрый людем наставниче.
  Радуйся, священномучениче Стефане, Земли Российския молитвенниче достохвальный.

Кондак 6

Странником и прешельцем себе на земли быти помышляюще, священномучениче Стефане, тесный путь служения избрасте. Сего ради явишася на тебе Благодать Духа Святаго, дарования духовного разсуждения и душ скорбящих утешение. Сими дары Богу послужиша, воспевал еси песнь ко Господу: Аллилуиа.

Икос 6

Всем сердцем, всей душою, всею крепостию Бога возлюбивше, не токмо утешения, требующих требы и совета николиже оставлясте, но и все время жития молитве и богомыслию прилежаще, священномучениче Стефане, постом, нестяжанием и милосердием украшенне, слышиши от нас сицевая:
   Радуйся, Страх Божий сердце восприявый;
радуйся, закон Христов любовию к врагам исполнявый.
   Радуйся, тяготы многих понесый;
радуйся, ветвь неувядаемой лозы.
   Радуйся, совесть от грехов очищающий;
радуйся, бремя грехов многих облегчающий.
  Радуйся, мудрости Божией научающий;
радуйся, отраду молящимся посылающий.
  Радуйся, гонение неправедное претерпевый;
радуйся в Царствие Небесное возшедый.
  Радуйся, дух мирен стяжавший;
радуйся, множество народа тем спасавший.
  Радуйся, священномучениче Стефане, Земли Российския молитвенниче достохвальный.

Кондак 7

Плач велий в храме Божием слышен, народ же церковные двери открыв и никого не увидя, дивился зело. Ты же, священномучениче Стефане, сие предзнаменование ко заключению своему скорому отнесл еси и вопиял ко Господу непрестанно: Аллилуиа.

Икос 7

   Восприял еси на воспитание свое чады, по глаголу Спасителя, святе: аминь глаголю вам, аще не обратитеся и будете яко дети, не внидете в Цар­ст­во Небесно­е. И иже: аще приимет отроч таков во имя мое Мене приемлет. Сие добре разумевше воззовем ти сице:
  Радуйся, силу духа в скорбех обретавый;
радуйся, день и ночь к Богу вопиявый.
  Радуйся, мудрость века сего низложивый;
радуйся, Словом Божьим чады напоивый.
  Радуйся, неверных обличителю;
радуйся, сердце от скверны хранителю.
  Радуйся, ненадежных надеяние;
радуйся, тишины духовное обретение.
  Радуйся, нравов злополучных вразумление;
радуйся, учащихся поучение.
  Радуйся, кровь за веру во Христа проливый;
радуйся, многу мзду от Бога получивый.
  Радуйся, священномучениче Стефане, Земли Российския молитвенниче достохвальный.

Кондак 8

Яко Лазарь четверодневен воскресла еси Русь православная и мучеников новых явила еси, мы же тя прославляюще священномучениче отче Стефане, усердно вопием к Богу: Аллилуиа.

Икос 8

К Богу душею чистою устремляяся, святый отче Стефане, бисер Слова Божия в сердце слагавый и крест от Господа данный в кротости понесл еси, якоже агнец незлобиве от рук нечестивых убиен, молитвенник и ходатай пред престолом Божьим нового тя имеем заступника. Сего ради воспеваем ти сице:
  Радуйся, в скорбех сострадание к людем обретый;
радуйся, тяготы и лишения понесый.
  Радуйся, святым в благочестии подражавый;
радуйся, народ к Богу призывавый.
  Радуйся, собор святых Российския украсивший;
радуйся, во всем житии совесть чисту хранивший.
  Радуйся, яко житием твоим люди мужеству научаются;
радуйся, яко терпением твоим пастыри назидаются.
  Радуйся, яко заповеди Христовы исполняти нас научаеши;
радуйся, супругам в воспитании чад своих помогаеши.
  Радуйся, светом веры заблудших озарение;
радуйся, ума неразумного просвещение.
  Радуйся, священномучениче Стефане, Земли Российския молитвенниче достохвальный.

Кондак 9

Пения всякаго достойна твоя память, священномучениче отче Стефане. Ты бо, образ исповедничества и благочестия по Бозе до последнего издыхания нам показавше, присно творящий молитву за злодеющих, поюще Богу: Аллилуиа.

Икос 9

Стена Нерушимая Пресвятая Владычице бысть тебе, святый угодниче Божий Стефане, Ей же тепле молился еси, да сохранит Землю нашу от братоубийственныя брани и глада, наипаче же людие во благочестии да укрепит и Покровом досточудным осенит. Сего ради  воспеваем ти сице:
  Радуйся, за врагов усердно молящийся;
радуйся, Царствия Небесного сподобльшыйся.
  Радуйся, священническое достоинство свято сохранивый;
радуйся, людем в бедах, яко Христу, послуживый.
  Радуйся, во отвержении любовь к людем сохранивый;
радуйся, мирским духом не порабощенный.
  Радуйся, яко первомученик Стефан за Христа кровь проливый;
радуйся, того усердно об укреплении духа моливый.
  Радуйся, образу незлобиве тому уподобивыйся;
радуйся, молитву о врагах, якоже оный явивый.
  Радуйся, в тяжких напастех, якоже Иовль, благодарение Богу приносивый;
радуйся, верность Богу в житии твоем до конца сохранивый.
  Радуйся, священномучениче Стефане, Земли Российския молитвенниче достохвальный.

Кондак 10

Заступника теплаго и предстателя к Богу имея, тщимся восхвалити подвиг твой, ты же в обителех Небесных пребываяй Пресвятую Троицу воспеваши непрестанно: Аллилуиа.

Икос 10

Якоже самарянка стражде, чающе исцеления дщери своей, такожде душ своих чаем улучите исцеления, в смирении сознавше аможе псы, исповедуем греховные струпы и ко Святым Тайнам приступаем. Ты же оплакаше, отче Стефане, греховные души язвы, с верными прияхом от Творца утешение. Мы же тщимся пети тебе таковая:
  Радуйся, якоже прокаженный, проказу фарисейскую во Христе победивый;
радуйся, яко мудрыя девы масло добротелей во светильнике своем имевый.
  Радуйся, яко жены мироносицы миру Христа проповедавый;
радуйся, веру в годы лихолетий исповедавый.
  Радуйся, поклонявыйся Богу в духе и истинне;
радуйся, щедрый подаватель милостыни.
  Радуйся, простоту голубину стяжавый;
радуйся, Царствие Божие народу вещавый.
  Радуйся, яко мытарь Господа о помиловании моливый;
радуйся, молитву Иисусову творимый.
  Радуйся, Господу, стоящему при дверех сердец отворимый;
радуйся, достойный плод покаяния сотворивый.
  Радуйся, священномучениче Стефане, Земли Российския молитвенниче достохвальный.


Кондак 11

Всякий вечныя жизни иский прибегает к духовному отцу и познает благая во спасение, мы же воспеваем Богу, прославльшему тя: Аллилуиа.

Икос 11

Много званных, но мало избранных, рече Господь своим учеником, на Свою вечерю с любовию призывая, кийждо оправдания нашед, не захотеша и не приидоша, ты же, отче святый, в винограднике Божьем усердно работаше. Темже и мы прославляя, вопием ти сице:
  Радуйся, пастырей крине благоуханный;
радуйся, Богом на служение избранный.
  Радуйся, странноприимцу Аврааму уподобивыйся;
радуйся, о мире во всём мире моливыйся.
  Радуйся, добраго ответа на Страшнем Судиши испросивый;
радуйся, землю нашу кровию оросивый.
  Радуйся, восприяхом благоговение;
радуйся, в Слове Божьем имеяй крещение.
  Радуйся, ненадежных надеяние;
радуйся, самопожертвования узревый наслаждение.
  Радуйся, помоще скорая тебя призывающим;
радуйся, утешение подавающий.
  Радуйся, священномучениче Стефане, Земли Российския молитвенниче достохвальный.

Кондак 12

В Кане Галлилейской на браке, егда вина не доставало пирующим, Пречистая Матерь к Сыну приступи и Ходатаицей явилася есте. Мы же чаем и душ наших с Богом общения, хитонь же нас обличает, яко несть брашен, молитвами же Богоматери да освятит Господь чувств наших простую пятерицу да в разум истины приидем и со священномучеником Стефаном воспоем Богу: Аллилуиа.

Икос 12

У ворот Овечьих в купальне исцели Господь расслабленного страждующа и повеле не грешить, мы же расслаблении душою и не имеюща добрых дел, на заступление твое, отче Стефане, надеющися, вопием ти сице:
  Радуйся, вертограда духовного окормителю;
радуйся, мудрых мира сего посрамителю.
  Радуйся, правды проявителю;
радуйся, неправды обличителю.
  Радуйся, православных христиан помощниче;
радуйся, страстей греховных поборниче.
  Радуйся, сосуде Духа Божия;
радуйся, людем вразумление и помоще.
  Радуйся, немудрых умудривый;
радуйся, светом православия отечество свое просветивый.
  Радуйся, венец мученический на ся возложивый;
радуйся, гордыню низложивый.
   Радуйся, священномучениче Стефане, Земли Российския молитвенниче достохвальный.

Кондак 13

О,святый священномучениче Стефане! Приими от нас похвальное сие пение и милостивным ходатайством ко Господу умоли Царя Славы мир стране нашей даровати, Церковь в благочестии и единстве сохранити, нас же во Православии утвердити, да вопием Богу: Аллилуиа.

            Молитва

   О, священномучениче и богоносне отче Стефане, богомудре учителю веры и благочестия, молим тя присно мы, недостойнии, да сохранит Христос Бог предстательством твоим Церковь Святую, страну Российскую, Отечество твое и всякий град и страну идеже православно исповедуется имя Христово.
   Молися о нас, отче Стефане, да узрим беззакония наша и пренесем пред Господом покаяние истинное, вемы бо, яко погубляют нас страсти наши, да очистит Бог многия грехи наша, яко стяжем дух кротости и милосердия, да дарует нам Господь мирную христианскую кончину и удостоит одесную Себе стояти на Судище Страшнем, вечных мук да избавит и Царствия Небесного сопричтит, идеже славится пречестное и великолепное имя Отца, и Сына, и Святаго Духа во веки веков. Аминь.