Пэя чергэн дро чар паш рэка
О чириклы забагандя
Бавалори таты матькирла
Чаво э ча улыджия
Кошела Дад о Дай ровэла
"...Ту со мри чаёри кэрдян!?
Нэ кон пэ бьяв тыро явэла,
Пал чорорэстэ ту наштян!"
Нанэ урдэн тырэ ромэстэ
Паш лэстэ цыпо грасторо!
Ёв биболдо пири дадэстэ,
Тэ лэскри дай хгара мэно...
Кон чаворэ тырэ явэна!?
Розурьядэ тэ бокхалэ.
Нэ кон пал лэндэ придыкхэла,
Кай удыкхэна миштыпэ!?"
* * *
Ваш со чергэн пэя паш рэка!?
Пал со багалас чириклы!?
Тато бавал древан матькирлас,
Коли мри дай исыс тэрны...
Пэя чергэн
© Copyright: Эдуард Михайлов, 2025
Свидетельство о публикации №225063001305
Свидетельство о публикации №225063001305
Рецензии