Урняла чириклы дро болыбэн
Мро сыво грай дро фэлда випрастала
Э шатрица кхамэстыр парнымо
О джиепэн сыр тхув бавал лыджала
Традав дро гав кай мэ вибариём
О дой чая древан шукар багана
Би бравинтакиро гилендыр матыём
Дэвэс тэ рат Ромэнца парувава!
Кай сыс яга,тэ шатры пуранэ
Дой какана кхэра тэрдэ ромэндэ
Ёнэ рая кэрдопэ пхутькирдэ
Бикнэна мэр тэрнэнгэ манущенгэ
Екх паш екхэстэ кэрнапэ мурша
О трушила пэ мэн пхарэ урьена
Кошена екх екхэс палэ якха
Сыр удыкхэнапэ облэна чамудэна
Нанэ патыв,э лач понашадэ
Ловэ тэ сувнакай саро проджала
Э рат калы паш лэндэ дэвэсэ
Кон лэнгиро Дэвэл,дэ со ёнэ патяна!?
* * * * *
Урняла чириклы дро болыбэн
Мро сыво грай дро фэлда випрастала
Э шатрица кхамэстыр парнымо
О джиепэн сыр тхув бавал злыджала...
Урняла чириклы
© Copyright: Эдуард Михайлов, 2025
Свидетельство о публикации №225063001316
Свидетельство о публикации №225063001316
Рецензии
Шукар пхэндян:О джиепэн сыр тхув бавал злыджала...
Катерина Антонова 30.06.2025 17:13 • Заявить о нарушении
Катерина Антонова 30.06.2025 17:13 • Заявить о нарушении
Дякэ исы манушескиро джиепэн.
Наис,пал сарэ лава.
Эдуард Михайлов 30.06.2025 18:26 Заявить о нарушении
Наис,пал сарэ лава.
Эдуард Михайлов 30.06.2025 18:26 Заявить о нарушении