Машкир фэлда яг хачола
Чергэня дэ болыбэн
Чон пал егли гарадёла
Кай чора пхандэна грэн
Пэ урдэн бэшто Пхурома
Уридя нэви тэрах
Пхуромны судя пэрныца
Чурдыя патря пэ бах
Буд дыхнэ ёнэ пэ свэто
Пхарипэ дэ джиепэн
Чарадэ сари сымэнца
Пхурором рикирлас грэн
Руповэ вэдрэндыр пьенас
Далэ хгэнчты сыр рая
Дэ гендалья пэс дыкхэнас
Муршканэ сыс хулая
Пхурома мирэ илытка
Тэрипир тумэн Дэвэл
Бахталэ дрома фэлдытка
Кон дава тэзабистрэл…
Пуранэ Рома рипирна
Кон сыс Мурш тэ кон кахны
Кон зрахтя сари сымэнца
Кон здэя,кон сыс лубны…
* * *
Машкир фэлда яг хачолас
Чергэня сыр руповэ
Чон тэрно пэ бах барьёлас
Романо сыс джиепэ…
Пхурома мирэ илытка
© Copyright: Эдуард Михайлов, 2025
Свидетельство о публикации №225063001318
Свидетельство о публикации №225063001318
Рецензии