Мая чароўная старонка,
Мой мілы, незабыўны край!
Маіх каштоўнасцей скарбонка,
Палескі лад, сапраўдны рай.
Мая магічная старонка,
Як цягне Лысая гара!
На поўнач спуск з гары – ох, стромка!
Юнацтва смелая пара!
Мая шаноўная старонка,
Цябе ніколі не забыць!
Спявае певень надта ж звонка,
Смяюцца птушкі: «Цвіць, цвіць, цвіць…»
Мая адзіная старонка,
У думках я заўжды з табой.
На родным азярцы палонка –
Міналі дружнаю гурбой.
Мая прыгожая старонка,
Навекі прыкаваў мой кут.
Для сэрца шлях – заўсёды гонка…
Дамоў пратораны маршрут.
Мая чароуная старонка
© Copyright: Татьяна Цыркунова, 2025
Свидетельство о публикации №225072300520
Свидетельство о публикации №225072300520
Рецензии
