Литературализиб М. Чариновла творчествола мер

Мусаева Кумсият, ученица 11 б класса МКОУ «Новокаякентская СОШ».
Куратор:  учитель МКОУ «Новокаякентская СОШ» Курбанова А. Х.

План:

1. Темала гIягIнидеш

2. Дагъиста литературализиб М.Чариновла творчествола мер.    

3. М.Чариновна творчествола кьадри.

Х1ялумц1нила х1янчи

1. Темала гIягIнидеш

 Ишбарх1и Дагъиста бахъал поэтуни ва писательти буч1антала пикрила дураб кавлули саби, илдала творчество камли руркъули саби. Мух1идин Чариновк1ун Дагъиста рухIласи культурали ва белкIла литература ахъдуцес багьандан халаси пай кабихьибси адам сай.  Илгьунти автортала кумекличирли нушала республикализир театрти, миллатла мезаначил дурадулхъути газетаби-журналтала даража чеункъбиубсири ва    Дагъиста халкьличи рух1лашал  халаси асар барибсири. Илбагьандан, дила пикри х1ясибли, Мух1идин Чариновла   творчество имц1али руркъес г1яг1ниси  саби. Илбагьандан наб г1ях1изурси поэтла ва писательла пагьмуличила нуни реферат лук1улра.

  2. Дагъиста литературализиб М.Чариновла творчествола мер.    

Хабарла Гъази-Гъумекиличи х1ербик1ули, х1ерк1ла итил шайчиб, берх1и абулхънаб к1ел бек1личилси Вациллу бик1уси дубура леб. Илала удиб – Хурукра бик1уси шира. Илав, 1893 ибил дуслизив ак1убси сай булугунала машгьурси писатель Мух1идин Чаринов.
Гъал дус виубх1ейс Мух1идинни Дагъиста итх1елла тахшагьарли бируси Темир-Хан-Шурализиб реальное училище таманаиб, шилизив муг1яллимли узули калун. г1ур  Чариновли Бакулизибси Шила хозяйствола институт таманбариб, жавабла х1янчурбачив узули калун.
 Литературализи Мух1идин Чаринов 1910 ибил дуслизив вак1иб. Булугунала литература илини назмуртани, хабуртани ва пьесабани чебиц1ахъиб. 1921 ибил дуслизиб дурабулхъуси «Къиянна халкь» бик1уси республикала газетала цаибил редактор ветаур. Мух1идин Чаринов хаслира машгьуриуб драматургиялизив. «Х1ябибат ва Х1яжияв», «Шагьалай», «Шумайсат», «Челябкьуси даршдус» бик1ути пьесабазир итх1елла  дубурлантала г1ямру, къиян-жапа, шалати кьасани ва умутуни лерг1ер ункъли чедаахъили сари. Илди пьесаби гьаннара театрла сценаличи х1ербик1антас дигутили кавлули сари. Пагьмучевси писательли булугунала мезличи урдатур А.С.Пушкинна, М.Ю.Лермонтовла Н.А. Некрасовла, Л. Н. Толстойла, В.Шекспирла, В. Гюгола ва царх1илти классикунала г1ях1цад произведениеби.
Мух1идин Чаринов Дагъиста писательтала Союзлизив булугунала литература къелг1еббикули калун. Сепайда, 1936 ибил дуслизив ил нех1акь г1яйиблавариб ва туснахълизи вархьиб . ца дусла г1ергъи ил дек1си изай нушачивад даимлис арухиб.

3. М.Чариновна творчествола кьадри.

Дила пикри хIясибли, М.Чариновгъунти автортани Дагъиста рухIласи культура ва белкIла литература ахъдуцес багьандан халаси пай кабихьиб.  Илгьунти автортала кумекличирли нушала республикализир театрти, миллатла мезаначил дурадулхъути газетаби ва журналти г1ердурцнили Дагъиста лебилра халкьличи рух1лашал дебали халаси асар бариб.  Наб гьанбиркуливан, Мух1идин Чариновхъалигъунти автортани жагьил лук1антачи, литература дигантачи г1ях1лашал асар биру. 

                Литература.

1. А. ВяхIидов «По пути традиций и поиска». Махачкала.
2. Даргала литература.8 класс. МяхIячкъала НИИ педагогикала издательство. 2003 д.