Йуха а цхьа гуьйре т1екхечи рог1ехь.
Йуха а цхьа гуьйре мажйели рег1ахь,
Б1аьстенах б1аьрг 1аьбна балале.
Йуха а текха д1а г1арг1улийн кочар.
Йуха а дазло т1е ойланийн легар,
Аьхкенан дагара хаале.
Йуха а доьжна г1а тардели дагах.
Йуха а дуьйжи и т1ебужуш лайн чим,
Даим ма-дожжара г1айг1ане.
Дерз серса хьан амал ца лоруш къина,
Йуха а хьан б1аьра хьожур те мила,
Т1аьхьа ма-хьажжара хьагаме...
Автор Алимхажи Италагов
Йуха а цхьа гуьйре
© Copyright: Алимхажи Италагов, 2025
Свидетельство о публикации №225082501716
Свидетельство о публикации №225082501716
Рецензии