Ненан дог деладеш йолалой,
Цхьаьннан б1аьрг белхабеш йоьрзу хьо.
Гуора-йа1, сан оьмар-йора дин
Йортара,йум йина оьхург...
Беттасан бешара набарна
Пе беттарг-ч1об ма дац, наб йайна
Сан са ду, ша-шеха 1ехалуш,
Кегадеш мах лелла девлларш.
Тийналлах цу бешахь ч1ир йоцу
Лем оьцург-довхо вац иза а,
Цкъа хьекхна мох бу и йуха а
Буьйсанан бух1анах бух1 деш.
Сатаса садаьржаш б1аьрг-нег1ар
Уьйбург а-н1ойла йац, сан г1енийн
Рема йу, г1еттина-берг йуг1уш,
Цкъа мацах баьжначу некъахь.
Д1о б1аьрга лол бетташ,г1айг1ане
Ов деттарш-г1арг1улеш йац уьш а,
Сан шерийн жут йу и йахйелла,
Рог1ера гуо кхио йаьлла...
Автор Алимхажи Италагов
Сан шерийн жут йу и
© Copyright: Алимхажи Италагов, 2025
Свидетельство о публикации №225082501850
Свидетельство о публикации №225082501850
Рецензии