Зама йу ган доьг1нарг гойтуш,
Хиънарг вац маццалц и гур.
Воьдуче куьг-лаба лоьцуш,
Воьдург ву некъаца гуш...
Дохнан да хилла и дебо
Некъ хоьржуш,ца къеста лар.
Некъахо, шерашна тиэ1аш,
Йерзош ву ша йеъна лар.
Вуьйлу и ойланийн ирзе,
Луьтту цо-литтаза дерг.
Ша ваьхна лору цо ирсе,
Лийринехь дайшкара некъ.
Цхьа аьрго цуьнгара йаьллехь,
Йийр йуй те хено и нош?
Иштта цо,дог1учохь аьлла,
Дуьсий те меттара дош?
Ана йу маьлхан нур лоь1уш,
Ваьхнарг вац гуттар и гуш.
Сих-сиха куьг-лаба лоьцуш,
Воьдург ву некъаца гуш...
Автор Алимхажи Италагов
Некъахо
© Copyright: Алимхажи Италагов, 2025
Свидетельство о публикации №225082901234
Свидетельство о публикации №225082901234
Рецензии