Ца аьлларг,х1ун ала хьоьга,
Б1аьрзечу б1аьргаша
Йахийна,йаьхьна хьо хилча...
Беттан бос ма хержахь корехь
Легадеш,незигчу
П1елгашца корера кирхьа.
Дог1ахьа даге ла-денна,
Довзаза йу те хьо-
Дагт1ера декъала некъаш?..
Ма беттахь ирсана пе а,
Ган лаьаш йац те хьо-
Долоза, хьайн некъаш хьекъаш?..
Харжахьа, хьайн ненан шовда,
Хааза йу те хьо,
Цу йистехь ирс карош дуйла.
Йитахьа, хийре йист йоцу,
Хааза йу те хьо,
Цу хийрехь ирсо ног тухий.
Хьайн ненах диснарг бен-хьайна,
Хаалахь,хьо марша,
Дахарехь кхин шовда доций.
Цу йистехь леттарг бен-йаха,
Хаалахь,кхолламехь,
Хьайна кхин ирсан кхерч боций.
Автор Алимхажи Италагов
Ненан шовда
© Copyright: Алимхажи Италагов, 2025
Свидетельство о публикации №225083000431
Свидетельство о публикации №225083000431
Рецензии