Ши чурт ду, лаьтташ ул-уллехь,
До1ийна лаьцна куьг гуччехь.
Мокхачу мокхазан-ден чурт,
Аьлханан цхьа экъа-ненан.
Б1аьрг 1овжо дуьненчохь дисна,
Лаьтташ ду, уьшша-м цхьа миска:
Миска гуш, барз т1ера йар а,
Гуьйренца и йуьжу барз а.
Ца хьийза товхане нана,
Ков-керта ца х1уьтту да а.
И дерриг лаьттах а ийна,
Ца хилча санна д1атийна...
Цу чартийн когашкахь баьрзнаш
Тийна 1а гуонах ладоьг1на:
Х1уттий те верас т1е?- бохуш,
Шаьшшинна къинхетам боьхуш.
Ша цхьана цу кертахь лаьтта
Кхаркхетта къена кхор санна,
Малхбузен мехашна хиэбаш,
Ши чурт ду,.. меллаша тиэ1аш...
Автор Алимхажи Италагов
Ши чурт
© Copyright: Алимхажи Италагов, 2025
Свидетельство о публикации №225083000701
Свидетельство о публикации №225083000701
Рецензии