Гай прыгожы, лес дубовы…
Адраджаецца прырода.
Невялічкі лес – аснова,
Ў ім я бачу дух народа.
Дуб, як нашай моцы сродак,
Немцы кралі ды палякі.
Ох, было нямала ходак,
Засталіся пусткі-знакі.
Пілавалі дрэвы хутка,
Лес палескі, нёс ты страты!
Валачылі дуб да пункта,
Там спяваў станок стракаты.
Цягнікамі ўсё на Захад…
Плакалі: «Шкада…» сяляне.
Ворагу па сэрцу захад:
Піларамы на паляне.
Не адзін год чорным знакам,
Лес губілі наш зацята.
Захірэў ён, небарака,
Нішчылі яго заўзята.
Адраджаецца лес мілы,
Вораг згінуў пустацветам.
Лес дубовы – вырак сілы,
Моц яго – зямлі прыкмета.
Гай прыгожы
© Copyright: Татьяна Цыркунова, 2025
Свидетельство о публикации №225092000522
Свидетельство о публикации №225092000522
Рецензии