Туудум, джашайма, атым – адамды,
Мени бешигим – сырлы аламды,
Хауада калак айланнган Джерде
Абын-сюрюн бла барама кёрге,
Джумлай барлыкъдан – бир сансыз бюртюк,
Башым – къатышыкъ, джюрегим – бюгюк.
Сорама санга, Джаратхан – Тёре,
Нек болдураса, ышаныу бере,
Ёллюк тёнгекге акъыл нек салдынг,
Ёлюмсюзлюкню бизден нек алдынг,
Магъана неди?- билдир, билейик,
Анга кёре да джащау этейик!
Къарайма кёкде джулдуз джасаугъа,
Къарайма Джерде къыйын джашаугъа,
Ауруу бла джылау, къайгъы джайылгъан,
Ичден-тышына ачы къайылгъан
Бу туруш неди? – айтсанг а бизге,
Къарангылыкъны салмайын ёзге!
Билгисиз джашау – къарангы кече,
Нек салдынг бизге быллай тар ёлче,
Чексиз аламда биз кимбиз, небиз,
Не ючюн келдик, неден кетебиз?!
Тахсангы ашчы, Алам – Уллусу
Арсар этмейин Адам улусун?
2025
Алам-Уллусуна
© Copyright: Софи Трам-Семен 2, 2025
Свидетельство о публикации №225100200813
Свидетельство о публикации №225100200813
Рецензии