Деревенька моя. Стихи на татарском языке
Свидетельство о публикации №225100600987
Илемнең авылкайлары
Берсеннән берсе матур.
Һәрберсенең исеме бар,
Авыл я бәләкәй, я зур.
Ташландыгы да бар,
Булмагач ни эш.
Чүп үләне баскан,
Нинди моңсу күренеш.
Әлдә авылым исән әле,
Утлары якты яна.
Чын күңелдән куанам
Аның һәр уңышына.
Авылдашларым уңган
Бар да җиңен сызганган.
Безнең әти – әниләр дә
Шулай тырыш булган.
Авылымны күзәтәмен,
Ара ерак булса да.
Аңа булган мәхәббәтем
Чагыла иҗадымда.
Авылкаем, мәңге яшә,
Сүндермә яшәү дәртен.
Һәр өйдә шат көлгән
Бала тавышы ишетелсен.
Гузель Идрисова 06.10.2025 11:53 Заявить о нарушении