/анамы дерслеринден/
Акгыллы болуб туруучу болсанг
Джашау джол тутар бёгеклик кетер,
Мурат къуралмай, сай кёллю къалсанг,
Талпыулу адам аллынга ётер.
Хар затны кёбю аман болады:
Суу да уу болур, артыгъын ичсенг,
Акгыллылыкъ да заран салады,
Болгъанны барын сюзюб тебресенг.
Керексиз сюзюу ишни созады,
Этиллик затны башлауун тыя,
Къатыш сагъыш бла кюнюнг озады,
Сокъурандырыр хауасын джая.
Хар онглу ишде бёгек айтылыр,
Хар учхарада - акгыллы пакъыр.
Талпыучу шамгъа мухурун салыр,
Акгылланыучу эсленмей къалыр.
Акгылланыб туруучугъа
© Copyright: Софи Трам-Семен 2, 2025
Свидетельство о публикации №225101201112
Свидетельство о публикации №225101201112
Рецензии