Джыдэм къыхэщ ык1а кашэ

Сэлэт щ|алэр зыгъэпсэхугъэ к|уэт. Гъуэгу тетурэ ешыри къэмэжэл|ащ. Къуажэ ц|ык|ум нэсри, теу|ащ зы бжэм:
— Ныщ|эвгъэхьэ гъуэгу тет ц|ыхум зигъэпсэхуну!
Бжэр нанэ ц|ык|ум къы|уихащ.
— Къыщ|ыхьэ, сэлэт.
— Зыгуэр уедзэкъэну уи|эу п|эрэт, нанэ?
Фызыжьым пэрыхьэту шхын и|эт, ауэ  щысхьыри, тхьэмыщк|афэ зытыригъауащ.
— Уэху, щ|алэ угъурлы, нобэ езым зырик| сшхакъым. Зырик|.
— Уей, мыхъум хъуакъым, - жи1ащ сэлэтым. И нэм ф|энащ тет|ысхьэп|эм к|эщ|элъ джыдэр.
— Зыри щыщымы|эк|э, кашэ дгъавэ хъунущ джыдэк|э.

Фызыжьым и|эхэр зыридзэк|ащ:
— Дауэ джыдэк|э кашэ зэрыпщ|ынур?
— Мис-ау, къэхьыт шыуаныр.
Фызыжьым шыуаныр къихьащ, сэлэтым джыдэр итхьэщ|ащ, шыуаным ирилъхьэри псы щик|ащ, маф|эм тыригъуващ.

Фызыжьыр сэлэтым йоплъ, нэр тыримыгъэк|ыу.

Сэлэтым бжэмышх къыдихащ, зы|ищ|ащ маф|эм тетыр, е|убащ.
— Дауэ хъурэ? - щ|эупщ|ащ фызыжьыр
— Т|эк|у джк|ым хьэзыр хъунущ - жэуап къыритащ щ|алэм, - ауэ щыгъу щы|ам нахъыф|т.
— Шыгъу си|эщ сэ, къащтэ.
Щ|алэм шыгъу хиудащ, е|убащ иджыри зэ.
— Ф|ыщэщ! Иджыри зы |эмыщ|э хугуу хэлъам!
Фызыжьым |эрпхъуэрын щ|идзащ, хугу къэп ц|ык|у къыкъуихащ зыщ|ып|э.
— Къащти хэдзэ дапщэ ***ми.
Хидзащ хугур шыуаным. Игъэващ, игъэващ, зы|ищ|ащ, е|убащ. Фызыжьым и нэр сэлэтым теубыдауэ е|ыгъ.
— Уэху, кашэр бэлыхьщ! - и |упсыр иубыдащ сэлэтым. - Мыбы иджыри зы тхъуц|ынэ т|эк|у хэлъыжам - дэгъуэ дыдэ хъунут.

Фызыжьым тхъуц|ынэри къихьащ.

Кашэм ари хилъхьащ.
— Еуэт, фызыжь, щ|акхъуэр къэхьи бжэмышхыр къащтэ: кашэр тшхыну!
— Уей симыгугъуэнт, джыдэм мыпхуэдэ кашэ угъурлы къыхэк|ыну - егъэщ|агъуэ фызыжьым.
 Т|уми яшхащ кашэр. Фызыжьыр щ|оупщ|э:
— Сэлэт! Дэпщэщ т|э джыдэр щытшхыныр?
— Плъагъурэ, вакъым джыдэр - жи|ащ щ|алэм, - гъуэгум сытету зыщ|ып|э деж сыкъэувы1энщи сгъэвэжынщи сшхынщ!

Ар жи|эри джыдэр ирилъхьащ рюкзакым, фызыжьым сэлам ирихыри к|уащ атк|э, ныгъуэщ| къуажэм.
Мис апхуэдэу сэлэтым кашэри ишхащ, джыдэри здихьащ