Час бязлітасны, імклівы,
Непадкупны грозны час.
Чую часа пералівы,
Ён турбуе, топча нас.
Час узрушаны, высокі,
Светлы, непаўторны час.
Пралятае, як аблокі,
Чараўніцтва воз прыпас.
Час абноўлены, станоўчы,
Урачысты час надзей.
Час, адведзены ў ночы,
Поўны значных спраў, падзей.
Час чароўны, урачысты,
Нараджае пэўны стан.
Час суровы з думкай чыстай –
Прысвячаю новы станс.
Час бязлітасны, імклівы…
Як угнацца за табой?
Чую часа пералівы –
Не стрымаць адчаю боль…
Аб часе...
© Copyright: Татьяна Цыркунова, 2025
Свидетельство о публикации №225103000572
Свидетельство о публикации №225103000572
Рецензии