ИРС ДОЛУ СТАГ
Делах тешаш а волуш, даиман а шен иман (кхоччуш!)
тодан а гIерташ, асаллах а ларлуш,
шена деззарг нахана а дезийла а хууш,
оцу нахаца тарвала а хууш, шеха тIаьхьенна дитина беркат а,
пайда а эцийта диканаш а долуш, хьаьрчина (шела а тIаьхьа дуьсуш)
нехан хьакъ-декхар а доцуш оцу вай кхоьллинчу Делан
Кхиэле вирзинарг хета-кха суна ирс долуш стаг.
Веза-Сийлахьчу Дала ишттачехь нисвойла иманехь, адамаллехь, бакъ а луьйш,
бакъ дерг а дезаш, эхь-бехк а долуш, гIиллакх а ларош, шен дош а ларош,
шеха болу тешам а ларош вехаш мел верг а,
оццу амалехь волу сан дакъа мел кхочуш верг а,
сан доIанехь мел верг а,
со шайн доIанна йукъа лоцуш мел верг а, со а!
Ирс долу стаг
© Copyright: Дахо Алви, 2025
Свидетельство о публикации №225110101467
Свидетельство о публикации №225110101467
Рецензии