Неба свинцовае, цёмнае,
Восень дыктуе загад.
Нават і ноччу не зорнае,
Стыне аголены сад.
Раніцай неба не яснае,
Нібы ўкутаў туман.
Хмарное – сонейка згаслае,
Восень народзіць падман.
Неба… Яно алавянае,
Мутнае, мала святла…
Шэрае неба, як шклянае,
Сонца не дорыць цяпла.
З гэтай карцінаю восені
Кожны зліваецца дзень.
Злымі, пустымі пакошамі
Распараджаецца цень.
Неба, ты попельна-сівае,
Як у старых галава…
Дождж над галюткай асінаю,
Мокне трава-мурава…
Неба восенню...
© Copyright: Татьяна Цыркунова, 2025
Свидетельство о публикации №225110600524
Свидетельство о публикации №225110600524
Рецензии