Джерге къарайма да къышны кёралмайма,
Къачха ушаш къышны къабыл эталмайма,
Хауа тюрленнгенди, адамла да - алай,
Дуния мал ючюн бир - бирлерин талай.
Селеке этилди таза джюреклилик,
Тахтагъа ёрледи джибимез бетлилик,
Намыс -бет дегеннге тар этилди джашау,
Чек билмегенлеге эркин болду ашау.
Ётюрюк кертиге кишен салгъан заман
Къараны акъ этиб таргъа тыйды тамам,
Адамлыкъ, тюртюле, болумун атханды,
Аны орнуна да пасыкълыкъ чыкъгъанды.
Къарауз кюч - аслам, таза кючле - бурху,
Хар келген кюнюбюз, джылан кибик, ургъу,
Дуния къатышханды, адам аджашханды,
Миллетни ангысы тюзден тайышханды.
Къышыбыз къач кибик, къаудан ачыкъ тура,
Адам да терсейиб, джалгъан умут къура,
Эркишиле - къоркъакъ, тиширыула - озгъун,
Чыгъылмаз кибикди бу къара тарбуун.
Джылбашы сагъыш
© Copyright: Софи Трам-Семен 2, 2025
Свидетельство о публикации №225111001395
Свидетельство о публикации №225111001395
Рецензии