(джазыучу тенгиме)
Сыйлы тенгим, "джангыз джаннган джылытады",
"Джангыз джаннган башхаланы джарытады",
Джанар ючюн палахладан ётериксе,
Сёз кёлтюрюб, зарлыкъ чегиб тёзериксе.
Алай бла сезим, джюрек чыныгъады,
Халинг къатыб адамлыгъынг къыйылады,
Сен чекгенни башхалагъа тилемейсе,
Джауунга да ачыу, чачыу излемейсе.
Къыйын халда джюрек назик болуучанды,
Назик болуб сезиу бла толуучанды,
Сезиу эсе - башхалагъа джайылады,
Алагъа да хузур кюрен къайылады.
Алай эте адамлыгъынг иленеди,
Акъыл зорлай тюшюнюуюнг кериледи,
Тик туруунг алдан-алгъа бардырады,
Джашауунга хорлам энни салдырады.
Сен ёкюнме джаннганынга, джарсыуунга,
Сени къыллаб бичим берген джазыуунга,
Халкъ айтханлай, "джангыз джаннган джылытады",
"Джангыз джаннган башхаланы джарытады".
2015.
Ёкюнме джашауунга
© Copyright: Софи Трам-Семен 2, 2025
Свидетельство о публикации №225111001418
Свидетельство о публикации №225111001418
Рецензии