Эски джауум, уллумуса,
Алгъындача джоллумуса,
Сени бетден махдаучула,
Артдан бедиш санаучула
Джан-джанынгда турамылла,
Питналарын къурамылла?
Пасыкълыкъгъа къошулалмай,
Итликлени кёлтюралмай
Меничала - чыкъдыкъ, кетдик,
Ол сахнаны санга бердик,
Бир онглу иш эталдынгмы?
Бюсюреулю болалдынгмы?
Рахатмыды джукълагъанынг,
Ачыкъмыды бет-къарамынг?
Анча тюзге терс болдум, деб,
Фахмулугъа берч болдум, деб,
Тюшюнюрге билемисе,
Тоба-тилек этемисе?
Тил, хыйля бла, уунг бла,
Зардан чалдыу салыуунг бла
Орун алдынг, тартынмайын,
Фахмунг джокъгъа къарамайын.
Айт не этдинг, эсленирлей,
Миллет къараб, "сау бол!" - дерлей?
2002.
Кенгден эски джаугъа
© Copyright: Софи Трам-Семен 2, 2025
Свидетельство о публикации №225111201038
Свидетельство о публикации №225111201038
Рецензии
