Мийикледен ильхам алгъан,
Мийиклеге аякъ салгъан,
Хар тыйгъычха хатху кере ёрлейди,
Къая, таш бла тирелеше,
Джел, боран бла ёрелеше,
Учар-атын алай бла джерлейди.
Зарынг, турмай, уру къазсын,
Джауунг, турмай, садакъ тартсын,
Ол демлешде онглулугъунг кючленир,
Бир тюртюлсе - эки къайта,
Халкъгъа тюзню, таймай, айта,
Керти ашыкъ алай эте ёчленир.
Бош дертлисе джашауунга,
Тарлыкъда къыт ашауунга,
Тюртюлмейин болмаз фахму чагъары,
Миз эгелиб чанчар болур,
Темир эриб ханчар болур -
Ол къадарды хакъ-ашыкъны къадары.
______________________
ашыкъ-халкъ джырчы
ильхам-джаратыучулукъ талпыуну, джаратаыучулукъ акъыл-оюм халны кёрюклеген сезим, кёрюш, тутум.
ёчленир-еч алыб саугъаланыр, шанлы болуб халкъда айтылыр.
ханчар-юсюне оюу салыннган, багъалы саблы, къынлы, хан эм хан тукъумдан адам джюрютген, алагъа аталыб энчи этилген, къарлаулу бичакъ.
Ашыкъ-джырчыгъа
© Copyright: Софи Трам-Семен 2, 2025
Свидетельство о публикации №225111201073
Свидетельство о публикации №225111201073
Рецензии