Джайны джылыуун ала,
Табигъат мутхуз бола
Джерге къарыуун сала
Энтда бир къач келди.
Аяусуз джангур къуя,
Джоллагъа кёлле джая,
Адамны таргъа тыя
Энтда бир къач келди.
Джайым ашыгъыш ёте,
Кюнюм абыныр эте,
Кёлден ышаныу кете
Энтда бир къач келди.
Миллет джарсыудан тола,
Тарлыкъдан такъыр бола,
Кърал халкъны онгун ала
Энтда бир къач келди.
Даулет адамын басыб,
Закон бойнундан асыб,
Адам бюгюлюб, джарсыб
Энтда бир къач келди.
Бизни тёлюбюз кете,
Джюрекге суукъ джете,
Муратла кери кете
Энтда бир къач келди.
Ата джурт бата-бата,
Палах танг ата-ата,
Къаугъа къаугъаны тарта
Энтда бир къач келди.
Ёмюрлерибиз ёте,
Къазауат оту джете,
Ашхы муратла кете
Энтда бир къач келди.
Энтда бир къач келди
© Copyright: Софи Трам-Семен 2, 2025
Свидетельство о публикации №225111200803
Свидетельство о публикации №225111200803
Рецензии