Былайды хал

Бир къауум пасыкъ,  ёз халкъын сатыб, 
Тыш джерден ургъан хауаны татртыб,
Алим адамны, керти билгенни,
Халкъына халал къуллукъ этгенни,
Барысын бирден, бир чурум табыб,
Сёз бла, тил бла,  къагъыудан – къагъыб,
Ара джашаудан тышланыр эте,
Муратларына алай бла джете,
Болумлулагъа кишен салдыла –
Джек-къауумдан да саугъа алдыла:
Бюгюн къуллукъда, тёр  джерде – ала,
Джарлы миллет да джашайды, тала.
Халкъсюер адам – душман кеминде,
Джер табалмайын даулет ичинде,
Кертини айтхан  – келепен болду,
Джаланчыладан ата джурт толду,
Халат сёлеше бюлдюргю тилде,
Джылыуу болмай кирли кёлюнде,
Бу джангы шатла бийлик этелле,
Керти бийлени чимдеб   тюртелле,
Ол тыш къанлы да къуанад мунга,
Даулетни сугъуб ибилис къыннга
Чапчыуайланы къоллары бла,
Алагъа атхан гыллары бла,
Халкъны басыудан басдырыб,  кенгден
Болду къыралны ашагъан, эмген.

Эресей джуртда тёзюм битерлей,
Джуаб берирге заман джетерлей…
Ангсыз тумакъла, эй,  сатлыкъ джыйын,
Келир кюнюгюз къыйынды, къыйын!..