Кече къарангысы - алам теренинден,
Кюндюз - Тейри чакъны айыкълыкъ кенгинден,
Кече сагъыш – туугъан, ёлген джарсыудады,
Кюндюз сагъыш - джашау, ашау чабыудады.
Джашау деген, кюнлей, алдай арытыучу,
Мурат деген, алдан - алгъа тарытыучу,
Сермеш бла эриш, уруш - хатыбызды,
Къысха ёмюр, ачыу, ёлюм - шартыбызды.
Джазыу деген - кёзбау, алдаб джюрютюучю,
Арытыб, аурутуб, бюгюб тигилтиучю,
Джер дегенинг - джутар, сингдирир джаныуар,
Бу джорукъ неденди? - билдирмейди къадар.
Туууш бла ёлюмню арасы – бир атлам,
Неден алай болду?.. Сездирмейди алам!..
Чирир тёнгегинде ёлмез джан джюрютген,
Адам - хариб, кимсе, Джерге келиб кетген?
2008.Элванкент.Турция.
Кечеги сагъыш
© Copyright: Софи Трам-Семен 2, 2025
Свидетельство о публикации №225120502024
Свидетельство о публикации №225120502024
Рецензии
