Сагати назмурти

Интернетла майдайчир,
Дурчули бекIлис балча,
ИшбархIи хIердирулра,
ХIергъули дунъя пуча.

Ватсаплизиб батбулхъан,
Биру дугьбала бухъа,
Дуги шулумбалтули,
Бех1кабирхьу буркьунза.

Ватсапла шала бишун,
Телеграмра г1яндбикиб,
Макс леб дак1убиубли,
Х1ейгалра чебилгьули.

Бузерила маргьличир,
Инстаграм, Тик-токуни,
Багьуди бедлугули,
Интернет, Ютубуни.

Искусственный интеллект
ИИ-ли иршу гьанна,
Дурши бухъалли арши,
ИИ-ли лерил сек1ал,
Гьамадли гьунчидуршу.

Гьимирти далдушили,
Шишала чIянкIи душу,
Хасти гIянжи дацIили,
Мегьра шанданра диру.

ИИ-ли машинаби,
Шофер агарли дику,
Урхьуличир гамурби,
Илини куртIдикIахъу,


ИИ-ли лук1а жузи,

Лер илала г1ямулти,
Бузар ил гIилмули зиб,
Х1ебузалра г1ялимти.

Агарли муг1яллимти,
Буч1ар мутаг1ялимти,
ХIебиалра тухтурти,
Арабирар зяг1ипти.

Кагъар арц «цифра» диру,
Машинабира диру,
Матъал, бархьли бузули,
Дунъя давлачеббиру.

ИИ-ли диру лерил,
Адам ахIен хIяжатли,
Марли дигайра дирхьув,
Компьютерла тIакьали?

Хъалира умубиру,
Бизил хурегра биру,
Ил шери кабиалли,
Марли уршира вирув?
 
Чебиулрив интеллект,
Сабли дунъяла пача,
Илини чебирцIахъу,
Давлачебтала кьачIа.

Лерил хIянчи илини,
Суненицун бекIдиру,
ИИ бузар адамти,
ХIеркабирар ряхIятли.

Хъармадираба Аллагь,
Компьютерла бекIличи,
Балулра лайдикIура,
БегIла къиян мерличир.