МА ВУЬСИЙЛА
Кхерч бохийна хьуо висича,
ЦIе йайина хьуо висича,
Дог ма дилла, хьуо дийна хилча,
Хьан лазам гуш Дела хилча.
ТIеман куьрлахь Ваша воьжчи,
Цуьнца цхьаьна ДоттагI воьжчи,
Воьхна-бIаьрза хьо ма хьовза,
Ондда собар хьуна довза…
Ма вуьсийла къомах хаьдда,
Нохчийн маттаца уьйра хаьдда,
Ма вуьсийла иэсах ваьлла,
Харцон кIелахь, къурт а аьлла.
Ма вуьсийла
© Copyright: Дахо Алви, 2026
Свидетельство о публикации №226010301805
Свидетельство о публикации №226010301805
Рецензии