Муратынг толмаз кёрюнсе,
Башынг сагъышха бёленсе,
Къарамынг къалса кёрелмей,
Санынг къуюлса, тирелмей,
Ауур сагъышла алсала,
Джюрекге сынчыу салсала,
Сен муратынгдан аджашма,
Умутсузлукъ бла байлашма,
Белинги къатдыр джолунга,
Бурма онгунгу солуна,
Бир джол тыйылса - башха бла,
"Къонгур ат тюшсе - къашха бла",
Талпыулу болуб, джангыдан,
Кюч тилегенлей Аллахдан,
Чыракъны къолда тутханлай,
Акгыллылыкъны атханлай,
Тюшюу, туруугъа юрене,
Кючсюзлеше да, тириле,
Джан талпыуунгу абджытмай
Турмаздан барсанг, къаджыкъмай,
Бир кюн муратха джетерсе,
Уллу къуанч да этерсе.
Унутма, ётгюр - ётюучю,
Тохдамай баргъан - джетиучю.
Умут кесме
© Copyright: Софи Трам-Семен 2, 2026
Свидетельство о публикации №226010501988
Свидетельство о публикации №226010501988
Рецензии