Чаромхі зараснік успомню…
Адразу за каналам лес.
Чароўны пах – прыроды помнік,
Такі ж круты яе замес.
Гулялі пары ў той мясціне,
Прыгожы, мілы наш куток.
Расла чаромха ў цясніне,
Кахання шчырага выток.
Чароўны пах, амаль міндальны,
З гарчынкай лёгкай – нота ёсць.
Забаўны колер – ён пахвальны,
Вясновы ды часовы госць.
Чаромхі кветачкі, як памяць
Аб маладой маёй пары.
Пялёсткаў белых цуда-замець,
Снег нібы падаў да зары.
Успамінаю часам гэта,
Цяпер няма чаромхі той.
Карціна мастака-паэта –
Чаромхі зараснік-пастой.
Чаромхi зараснiк...
© Copyright: Татьяна Цыркунова, 2026
Свидетельство о публикации №226010600660
Свидетельство о публикации №226010600660
Рецензии