Кхетаман уйлаш мустафа ганижев

                КХЕТАМАН УЙЛАШ             Мустафа Ганижев
1. Лучо е нахаца юкъар хулача метте, жопдала мегарда «дац» е «дезац» оалаш – кхы х1ана аьнна, бехказло ца еш.
2. Вахаргахьа е кулгалдара саго ший некъ, ший холонаш нахаца ма нийссайойла, х1ана аьлча х1ара сага ший хала е атта вахар хуландаь.
3. Доккхий толамаш даха, наха е маьхка дика де хьожаш  г1алаташ лелхар дац, сага ца могаш висар из кхы г1оттагвоацаш. Цох хул цуна лаг1ашта хьалайвалар, атта деце а.
4.  Деррига хиннар халонца, ший хана д1адоада, хала 1аьдал дале а, мела харцо яле а – меттиг мукъайоалаш кердача хьала моттиг а юташ.
5.. Саг ший вахара 1алашонаш, хьашташ дарал совг1а из декхаре хилац нийссавала наьха хургдолча дикашца. Аллах1о шийна даначо кхоачамбар хул саг ший метте хилар, халонех е аттонех ца хувцалуш..
6.. Наха-м дука дувц ер дича дика хургдар яхаш, халонаш д1аейеш, х1аьта дувцар кертачу дила кхестадеш низбе даг1ац саго шийна, из толашдола дика гуш гучадоалаш хилара, т1ехьа удаш  лела ца доаг1аш.
7.. Белха к1аьдлуш ха йоаг1а, х1аьта ший хана г1ег1а доаг1ар д1адалла деза, цудухьа ший хана сала1ара бехказло ер эшац.
Х1аьта саги  ший чухьар уйла е оаз лерх1амег1а хул наха хетар доацаш. Геттар толжаг1а да наха хетадар ца гойтар, цудухьа эшаш хул сага къайле, шийца мара дагавала ца эшаш. Из яхилга да хьайца дика хила хьо хьалха, т1аккха эшача нахаца хургволаш. Цох хов хьо ч1оаг1а, хьаькъале волга хьайна хетачул.
.....                03. 01. 2026 ш.