Кузе Сава корнышто муро шочын

"Сава корнышто"муро Шенше селаште илыме годым шочын.Семым Ион Кузьмин пыштен.
Мемнан дек Йошкар-Ола гыч Шенше селаш родо-тукым дек толмыжо годым эре Ион Николаевич Кузьмин пура ыле.Ачам дене ийгот коклаштышт кум ий  веле.
1971  ий.Изи лийынам гынат,тачат тудым шарнем.Август тылзын мемнан дек пурыш.Йокма дене толын.Мемнан ешыште ныл йоча улмо нерген  Ион Кузьмин пален. Мыланна  кугу газетыш путырымо кулекыште "Белочка" конфет ден печеньым
пуртыш.Иктаж кило дене налын.Пеленже ик бутылка ош-ужарге  чия дене возымо "Московский" ош арака.Чыла кочкыш,аракат сеткыш пыштыме лийын.Ме урем гыч модын пурен шуктымо веле. Молан куаныме?Тидлан ответым пуэн кертам.
Авам шоколад  але тыглай шулдо кампеткым иканат налын огыл.Варенье дене шем киндыш маргарин умбак  вареньем шурен,вигак уремыш куржына ыле.Печеньым налмыштым ом шарне.Авам эре мелнам,когыльым,поремечым ,коржикым ышта ыле.Коржик руашыш сосна уйым пыштен,конгашке куэшташ шынден. Мыланна пеш тамлын чучын.
Мый кунам кампеткым кочмо шуын,Света родо -тукым дек коштынам.Тудын аваже Чачи  кокай  удыржылан эре кампеткым,печеньым ,пряникым ,кевытысе  турняпочыж але шоптыр вареньем налын.Эше левыктыме ушкал уй  лийын гынат,тамлын  чучын.Тудо жапыште холодильник  да монь лийын огыл.Чыла кочкышым портйымалне  але норепыште араленыт.Садлан унам эре вученна.
Ачам Ион йолташыжым порын вашлие.Кече шуматкече лийын.Авам кочкышым устембак лукто,а нуно  мутланаш шинчыч. Ачам  "Сава корнышто" почеламутым  Ионлан ончыктыш.Тудлан почеламут келшыш.Мутшым шарнем:
-Аркадий,поро йолташем,Шенше  ялыш толмем  годым эреак  уналыкеш пураш тыршем.Тачат почеламутым  вученак пурышым.
Авам кочкышым  устембак  шындымек, шинчалан киярым лукто.
-Кияр дене  пурлыда гын,вашке огыда рушт,-пелештыш.
Изиш руштмек,йукын ачамлан  лаштыкыш  возымо  почеламутшым кидыш налын,муралтыш.
Ме,йоча-влак,пеш колыштынна.Мыланем семже пеш келшен...
Тиде кечын мемнан дек малаш кодо.Йуд марте мутланеныт.
Вес кечын Ион Кузьмин уке ыле.
Мый авам деч йодым:
-Кушто уна?
-Ныл шагатат уке ыле,вигак родо-тукым дек Улыл Шеншыш  кайыш.
23.01.2026