/Анамы дерслеринден/
Ускубрийни усу тутду:
бургъусу бла букъу джутду,
сюре – сюре булут джыйды,
булутланы кёкде тыйды,
улуб, уруб кесин керди,
Элиягъа хапар берди,
шыбыланы чакъдыр – деди,
кёкден сууну атдыр – деди.
камсык уллай сызгъырыучу,
кирни – къурну учуруучу,
чабышханды, джортушханды,
тюз уралмай, къатышханды:
онга урса – чалман къыра,
солгъа урса – сабан джыра,
бир барыуда баралмайын,
баралмай да къалалмайын,
нарт къабакъгъа ёшюн урду,
ура – ура, арыб турду,
ол тура да, джангур келе,
Шыбыла да кёкню бёле,
кёк кюкюрей, джангур тама,
хайда, марджа - фатар таба!
Ускубрий
© Copyright: Софи Трам-Семен 2, 2026
Свидетельство о публикации №226020101913
Свидетельство о публикации №226020101913
Рецензии