Сон галубіны, вольны, лёгкі,
Бо ноч бярэ правы заўжды.
Сон прыйдзе з поўнаю палёгкай,
Ён чараўнічы, малады.
Глыбокі сон, спакойны, роўны,
Ён спавівае нас цяплом.
Гаючы сон, надзеі поўны,
Здаровы сон не пад цяглом.
Сон багатырскі, бесклапотны,
Нібыта ў юнацтве зноў.
Шчаслівы сон, бо бестурботны,
Бясконцы рад прыгожых сноў.
Сон будкі не здаецца царскім,
Нібыта і не спаў зусім.
Трывожны сон – ярмом татарскім,
Яго не пажадаеш ўсім.
Няроўны сон – ён хуткацечны,
Турботны, цяжкі, мутны сон.
Пакутлівы сон ды нявечны,
Няхай жа не турбуе ён.
Сон розны
© Copyright: Татьяна Цыркунова, 2026
Свидетельство о публикации №226020200510
Свидетельство о публикации №226020200510
Рецензии