16 февраля

Понедельник. 3-я приуготовительная неделя к Великому посту.
Неделя о Страшном суде.
Попразднство Сретения Господня.


•
Небесных воинств Архистратизи, / молим вас присно мы, недостойнии, / да вашими молитвами оградите нас / кровом крил невещественныя вашея славы, / сохраняюще нас, припадающих прилежно и вопиющих: / от бед избавите нас, / яко чиноначальницы вышних Сил.
(Тропарь Небесным чинам бесплотным, глас 4)

•
Радуйся, Благодатная Богородице Дево,/ из Тебе бо возсия Солнце Правды, Христос Бог наш,/ просвещаяй сущия во тьме./ Веселися и ты, старче праведный,/ приемый во объятия Свободителя душ наших,/ дарующаго нам воскресение.
(Тропарь Сретению, глас 1)

•
Егда приидеши, Боже, на землю со славою,/ и трепещут всяческая:/ река же огненная пред судищем влечет,/ книги разгибаются, и тайная являются:/ тогда избави мя от огня неугасимаго/ и сподоби мя одесную Тебе стати, Судие праведнейший.
(Тропарь недели о Страшном суде, глас 1)

•
Радуйся, Богоприимче старче Симеоне,/ во объятия приемый Спаса, Господа./ Веселися и ты, честная пророчице Анно,/ возвестивши пришествие в мир Христа Бога нашего,/ сокрушившаго державу вражию,/ и подающаго нам велию милость.
(Тропарь святому праведному Симеону Богоприимцу и пророчица Анны, глас 1)