Пральецца лівень ачышчальны,
Вясенні, гулкі дождж густы.
Адразу згіне бруд знішчальны,
Бо лівень поўны дабраты.
Зямлю ён мые – спорны, прыткі…
Сярэбраны ды шчодры дождж.
Ставок напоўніцца не плыткі,
Ільдзінку, цёплы, размарож…
Магутны лівень, звыш празрысты –
Цячэ рака праз агарод.
Дождж жыццядайны, урачысты,
Бо адраджае добры род.
Прыгожы, весні лівень, светлы…
Узрадуецца белы свет.
Абмытыя паніклі ветлы,
Пакіне лівень добры след.
Пральецца лівень – гэтак будзе,
Нядоўга госця нам чакаць.
Няхай ён сілу-моц набудзе,
Мы рады лівень сустракаць.
Пральецца лiвень...
© Copyright: Татьяна Цыркунова, 2026
Свидетельство о публикации №226021700487
Свидетельство о публикации №226021700487
Рецензии
