Со воьду некъ ларбеш кертаца хиъна,
Б1аьрг бешна йоккхастаг, йовзарий шуна?
Со вог1у ков лардеш наь11аргехь тийна,
Ладоьг1у йоккхастаг, йовзарий шуна?
Хьаьрса хьач чу карччал этт1ачу некъахь,
Со воьду ларвеш йерг- и йара шуна.
Наь1саг1ин саг1ица суьйренца кет1ахь,
Со вог1у ларвеш а- и йара шуна...
Йажа д1алаьхкинчу ойланийн рог1ехь:
Г1оттура, раг1 ларйеш, б1аьстенан 1уьйре...
Тхан дегнийн товхана- ойланаш тохкуш,
Йохлора цу товхехь: дохк те1а гуьйре...
Гуо кхолург сайн г1енийн, со вацар шуна.
Самаха уьш туьдург, со вацар шуна.
Гуо кхолург сан г1енийн- и йара шуна.
Самах уьш туьдург а- и йара шуна.
Х1у тосург сайн эсе- ма ца го суна?..
Цунна хи дуьллуш и- ма ца го суна?..
Набарх со х1уьттучу назбаран гу т1е
Назмица д1айаьхьнарг- и йара шуна...
И йара шуна...
© Copyright: Алимхажи Италагов, 2026
Свидетельство о публикации №226022401987
Свидетельство о публикации №226022401987
Рецензии