Россий печать кече

   Аркадий Букетов-Сайн школышто тунеммыж годымак изирак статьям, ойлымашым, почеламутым "Коммунизм верч" газетыш колтеден. Школышто тунеммыж годым казах поэтын рушлаш кусарыме "Олмапу"почеламутым марланден. Энеру"мбал ялысе колхоз паша нерген возымо изи статья-влакше ты газетышкак печатлалтын.
 Ик кечын  Энерумал ялыш   Семен Вишневский толын. Тудо клубышто почеламут-влакым лудын. Школышто тунемше Аркаш тудлан возымо почеламут-влакым ончыктен. Поэт Вишневский  почеламутшым лудын лектын, тудлан келшен да умбакыже возаш кумыланден. Азъял школ деч вараАркадий Букетов  Морко педучилищыш пурен. Тунам  возымо почеламут - влакше дене Йошкар-Олаш ужыктеныт. Тылеч вара почеламутшо-влак Морко газетыште  веле огыл, "Марий коммун" газетыштат печатлаш т;;алыныт.
Школышто туныктышо лийын гынат, "Колхозная правда", "Марий коммуна" газетлашке, "Ончыко" журналыш статья-влак, почеламут-влак печатлалтын.
  Аркадий Иванович журналист ушемыш ушнымек, Марий АССР годымак Морко район гыч кок журналист Аркадий Букетов ден Геннадий Бекешев икымше заслуженный журналист Марийской АССР  чап лу"мым налыныт...
  Мемнан родо- тукым коклаште шукын возышо лийыныт. Журналист ушемыш пурен огытыл гынат, нунын статьяшт шуко печатлалтын.Нунын коклашке Сергей Журавлев, Назарий Александров, Аркадий Букетов, Юрий Галютин, Александр Александров, Филипп Букетов, Александр Лукаев, Лев Сошин марий йылме дене шукыжым возгаленыт. Тышкак Галина Шолнеровам, Светлана Алексеевам пуртен кертам. Мыят нунын коклаште улам.
 Таче кечын заслуженный журналист Борис Шамиев Печать кече дене саламлыш.
 Тек марий калык возымыдам лудеш.
13.01.2026