05. Адские мучения

Брат един, живый свято и богоугодно житие, имянемь Афонасие, болев много, умре. Два же брата, отреше тело мёртво, отидоста, увивьше его, яко же подобает мёртваго. По прилучаю же, пришедше неции и видевше того умерша, отидоша. Пребысть же мёртвый всь день непогребен: бе бо убог зело, не имеа ничто же мира сего, и сего ради небрегом бысть. Богатым бо всяк тщится послужити, и в животе и при смерти, да наследить что. В нощи же явися никто игумену, глаголя: "Человек Божий сей два дьни имать непогребен, ты же веселишися". Уведев же игумен о сем, в утрий день с всею братиею приде к умерьшему, и обретоша его стедяща и плачюща. Ужасошася, яко видевьша того оживьша, вепрошаху того, глаголюще: "Како оживе, или что виде?" Сий же не отвещеваше ничто же, точию: "Спаситеся". Они же моляхуся ему слышати что от него, да и мы, рече, пользуемся. Он же рече к ним: "Аще вы реку, не веруете ми". Братиа же к нему с клятвою реша: "Яко сохраним все, еже аще речеши нам". Он же рече им: "Имейте послушание в всем к игумену и кайтеся на всяк час, и молитеся Господу Иисусу Христу и Пречистей Его Матере, и преподобным отцемь Антонию и Феодосию, да скончаеть живот зде, и с святыми отци погребении сподобитеся в печере. Се бо боли всех вещей три сиа вещи суть: аще ли кто постигнеть сиа вся исполните по чину, точию не възносися. И к тому не вепрошайте мене, но молю вы ся простите мя". Шед же в печеру, заградився о себе двери и пребысть не глаголя никому же ничто же 12 лет. Егда же хотяше преставитися, призвав всю братию, тоижде им глаголаше, еже и испрева, о послушании и о покоании, глаголя: "Блажен есть, иже зде сподобивыйся положен быти". И сие рек, почи с миром о Господе.

Источник: Патерик Киево - Печёрского Монастыря, с.81