Бляск ад зорачак халодны
Аксаміт начны прабіў.
Вые дзесьці воўк галодны,
Добра чуцен пераліў.
Хмаркай месячык закрыты,
Быў прыгожы, залаты…
Пабялелы двор, карыта,
Нібы ў малаке кусты.
Наваколле залівае
Зіхатлівы зорак бляск.
Пад святлом двор ажывае,
Добра чую гучны ляск.
Дзесьці мабыць аканіца
Моцна ляскае, гучыць.
Нібы друзлая стальніца
Калі соваеш – рыпіць.
Бляск ад зорачак агністы
Мрока асвятліў смугу.
Зоркі ў небе, як маністы,
Разагналі сон-тугу.
Бляск ад зорачак...
© Copyright: Татьяна Цыркунова, 2026
Свидетельство о публикации №226032900459
Свидетельство о публикации №226032900459
Рецензии
