Струна гарачая, дзівосная –
Настрой маёй душы жывой.
Праходзяць хутка зімы з вёснамі,
Дзе звон струны гучыць канвой.
Струна бунтарная, вячыстая,
Адносіць рэха ноты ўдаль.
Гучанне, як вада празрыстая,
Галінкі дрэў нібы вуаль.
Струна дрыготкая, напеўная…
Ад мілых гукаў запяю.
Жывыя струны – ночка спеўная,
Адвечны сум свой загаю.
Струна жывая, непакорная,
Ты музыканту, як сястра.
Твая ласкавасць непаўторная,
А мужнасць, як у змагара.
Струна чуллівая, балючая,
Тугая тонкая струна.
Гучыць, спявае хтось над кручаю.
Вядома ўсім: прыйшла вясна.
Струна гарачая
© Copyright: Татьяна Цыркунова, 2026
Свидетельство о публикации №226040100615
Свидетельство о публикации №226040100615
Рецензии