Святая матчына пяшчота…
Цаны ў пачуцця няма.
Яно – нявыбраная квота,
Так зразумела я сама.
Пяшчота дзіўная кранае,
Сардэчная, што ад душы.
У прыгажосць свет апранае,
Радок аб гэтым, напішы!
Замілаванасцю вядома,
Неадчуваная парой.
Праменьчык сонца свеціць дома,
Пяшчота – Лысаю гарой.
Неспадзяванаю бывае,
На жаль, балючая яна.
Халодны вецер завывае –
Журботнай памяці струна.
Няма пяшчоты той нясмелай,
Яна з матуляй адышла.
Была такой незразумелай,
Паразумення не знайшла.
Святая матчына пяшчота
Не вернецца – яе няма…
Даўно нявыбраная квота
Пужае нас нібы турма.
Святая матчына пяшчота
© Copyright: Татьяна Цыркунова, 2026
Свидетельство о публикации №226041300432
Свидетельство о публикации №226041300432
Рецензии