/Анамы дерслеринден/
Ашыгъыб джерге джерлешме,
Джерни болумун билгинчи,
Малым барды – деб, кюрешме,
Отлауну халын кёргюнчю.
Сабаным бар–деб, къуанма,
Толу гёзенни ачхынчы,
Джуугъум бар-деб, алданма,
Керек кюнюнгде табхынчы.
Къатынны халын сезмезсе,
Талах салыугъа джетмеден,
Улунгу кёлюн билмезсе,
Келин къолуна тюшмеден.
Джан-шохум бар–деб, махданма,
Къыйын заманда сынамай,
Хоншунга кемсиз ышанма,
Арада ырджы тартылмай.
Таныялмазса къарнашны,
Хакъ юлешиуге киргинчи,
Ичин билмезсе джолдашны,
Минг къычырымны ётгюнчю.
Адамгъа
© Copyright: Софи Трам-Семен 2, 2026
Свидетельство о публикации №226061201091
Свидетельство о публикации №226061201091
Рецензии
