Ачыулугъа

 /анамы дерслеринден/


Къай – боран толкъун къобарса,
Тенгиз, кёмюклеб, агъарса,
Джелпек эндириу – амалсыз болур,
Кеме батаргъа таянса.

Зорлукъ зорлугъун орнатса,
Къаршчылыкъ  сезиу  джаратса,
«Джелпек эндириб» чыдаргъа  керек,
Аман аманын сынатса.

Джашау – дегенинг,  тенгизди,
Бир – джуаш, бирде – кемсизди,
Къыйын заманны  амалын табыу –
Акъыллыланы ишиди.

Къай-боран узун урмайды,
Зулму  да кёбге бармайды,
Акъыл бла баргъан «джашау-кемеси»,
Аллай  заманда батмайды.

----------------------------
*Къай-боран – тенгиз боран.




A;;uluga

 /anam; derslerinden/


Kay - boran tolkun kobarsa,
Tengiz, k;m;kleb, agarsa,
Celpek endiriu - amals;z bolur,
Keme batarga tayansa.

Zorluk zorlugun ornatsa,
Kar;;;l;k  seziu  caratsa,
«Celpek endirib» ;;darga  kerek,
Aman aman;n s;natsa.

Ca;au - degening,  tengizdi,
Bir - cua;, birde - kemsizdi,
K;y;n zamann;  amal;n tab;u -
Ak;ll;lan; i;idi.

Kay-boran uzun urmayd;,
Zulmu  da k;bge barmayd;,
Ak;l bla bargan «ca;au-kemesi»,
Allay  zamanda batmayd;.

----------------------------
*Kay-boran - tengiz boran.