Молитвы в разных нуждах. пр. 35

     Молитва
     О двоице святая страстотерпцы Христовы
  преблаженне Кириче в 3-летнем возрасте
  пострадавши с Богомудрою материю Иулитою!
     Кровьми вашими яко багряницею украсив-
  шиися и Небесных чертогов и вечнующия
  славы сподобившиися,не забудите и нас,
  на земле сущих,но теплым ходатайством
  вашим пред Богом избавите всех нас от
  всякия скорби и болезни.
     Се бо к честней иконе вашей благогове-
  йно припадающе и лобызающе ю,мы недостой-
  нии  и многогрешнии к вам яко к скорым
  помощникам и теплым  молитвенникам нашим
  прибегаем и с сокрушенным и смиренным
  духом вопием:не презрите моления нас,
  грешных,немощных,во многия беззакония
  впадших,но яко благодатию Божиею венчании
  очистите нас от недуг наших и испросите
  нам у Христа Бога нашего здравия душевное
  и телесное.
     Вы бо неоскудную благодать исцелений
  от Спаса нашего Иисуса Христа за веру
  вашу,мучениими запечатленную,прияли есте.
     Тем же убо помогите всем,в лютых немо-
  щех лежащим и в человеческой помощи отча-
  явшимся,к вам же тепле с верою прибегаю-
  щим и исцеление тем подавайте неоскудно,
  всем же верным грехом оставление испроси-
  те,да славят дивнаго во святых своих Гос-
  пода Бога и Спаса нашего Иисуса Христа и
  Пречистую Матерь Его и ваше теплое засту-
  пление всегда ныне и присно и во веки ве-
  ков.
     Аминь.
     продолжение 36