Молитвы в разных нуждах. пр. 45

     Молитва
     О всехвальный святый великомучениче и
  чудотворче Иоанне Воине!
     Моли с нами и о нас Человеколюбца
  Бога,да не осудит нас по беззакониям
  нашим,но да сотворит  с нами по велицей
  Своей милости.
     Испроси нам у Христа Бога нашего тихое
  и Богоугодное житие,здравие же и во всем
  благое поспешение,земли плодородие,во
  всем изобилие и вся ко спасению и житию
  временному потребная.
     О святый страстотерпче Иоанне!
     Ныне пред честною твоею иконою припа-
  дающе и поклоняющеся тебе молим тя:яви
  многомощное заступление всем сущим в на-
  пастех,скорбех и болезнех и избави нас
  от всякого зла и от обидящаго человека,
  моли Всещедраго Триипостастного Бога,да
  подаст православным христианом на супос-
  таты одоление и да укрепит и благословит
  непременяемым миром и благополучием,яко
  да твоею помощью и крепким поборством
  посрамятся вси являющии нам злая,огради
  нас святыми твоими молитвами во вся дни
  жизни нашея,умоли Милостиваго Владыку
  всех,да дарует нам христианскую кончину
  жития нашего безболезненну,непостыдну,
  мирну,Божественных Таин причастну;по ис-
  ходе же нашем от жития сего да оградит
  нас святых ангел ополчением,во еже изба-
  витися нам от козней диавола и тяжких
  воздушных мытарств его и неосужденным
  предстати Престолу Господа славы и Того
  со всеми святыми славити в Небеснем
  Царствии Его во веки веков.
    Аминь.
    продолжение 46