Х1илла-макру камилаб,
Рек1ел къасдал жагьилаб,
Гьудул-гьалмагъ жагъалаб,
Жах1да-х1усуд кутакаб,
Какил адаб лъуг1араб,
Г1арац-месед хирияб,
Хиянаталъ ч1ел ккураб,
Чахъаги гьаб замана!
Х1асад цоцал ц1ик1к1араб,
Ц1али-г1елму рихараб,
Рах1му-гурх1ел к1очараб,
К1игьумерчилъи гьарзаяб,
Зулму-питна даимаб,
Рах1ат-х1алхьи лъуг1араб,
Г1аданлъи-нич т1аг1араб,
Т1аде щвараб замана!
Нафс квегъизе к1олареб,
Гъибат-бугьтан хирияб,
Хаслъи цоцал ц1ехолеб,
Ц1огьал гьайбатго ругеб,
Рукъзал ч1ах1иял ралеб,
Ч1ух1и жеги х1алт1улеб,
Х1алт1ич1ого кваналеб,
Ч1ахъаги гьаб замана!
Заманалда г1айиб ч1ван,
Г1узраби лъуг1инаро,
Г1амал хисун хьвадани,
Сверухълъиги сахлъила.
Ч1ахъаби гьаб замана!
© Copyright: Муртаза Игали, 2026
Свидетельство о публикации №226090800384
Свидетельство о публикации №226090800384
Рецензии