Прыцягне роднае Палессе,
Лёт белых чапляў, жураўлі…
Каліны чырвань на ўзлессі,
Ды спусташоныя палі.
Прыцягне матухна-зямліца,
Бо без яе жыцця няма.
Сухая пад нагой ігліца –
Чакае хутка нас зіма.
Прыцягне бор, такі знаёмы,
Ліяны хмелю на камлях.
Багацце лесу – аксіёма,
Даходзіць бульба на вуглях.
Прыцягне месца на паляне,
З дзяцінства помніцца яно.
Зноў прыйдзе з ім замілаванне –
Прыроды шчырае звяно.
Прыцягне роднае Палессе,
Мая старонка, мілы край.
Радзіма, дзе лунае песня,
Адзіны мой на свеце рай.
Прыцягне...
© Copyright: Татьяна Цыркунова, 2026
Свидетельство о публикации №226111200600
Свидетельство о публикации №226111200600
Рецензии