Славик Осипов-Аркаш Букетов

11 ноябрьыште  мурызо, семым возышо Вячеслав  Андреевич  Осиповын 70 ияш юбилейже. Тудо 11 ноябрь 1956 ийыште шочын.
Мый тудым лишке пален омыл. Южгунам ачамын почеламутлан возымо сем дене  ава нерген мурыжым колыштынам.Вара пален нальым - семым Вячеслав Осипов возен улмаш.
  Шкетан театрыш Марина Воронцован юбилейышкыже май тылзыште миенам ыле.Ончем - фойеште пелашыже дене Вячеслав шога.Шым чыте,лишке миен йодым:
-Те Осипов улыда,Аркадий Букетовын  "Ава кумыл" почеламутлан семым возен улыда.
- Чынак, возенам,- мане.
 Пырля фотом ышташ у"жым.Ко" пала,можыч огына вашлий,тек  шарныаш фото кодеш,шонышым.Пелашыже когыньнам телефоныш фотом ыштыш.Вара тудо деч йодым:
-Ачамын икмыняр сборникше уло.Телефондам пуэда гын,эрлак  электронный почтышкыда ворд дене   "Ош куэ конча омеш" книгажым колтем.
 Тиде кечак концерт деч вара  почтышкыжо колтышым.
-Йу"дым  книгам нальым.Кажне почеламутшым лудам,вигак ушыштем сем лектеш. Могай талантан ачада лийын улмаш.Кызыт пеш шагал сылне почеламутым возат.Муро  радиошто лектеш,а содержанийже уке.Сылне почеламутым тудо возен кертеш,кудо п;рт;сым чот й;рата,изинек п;рт;с коклаште коштын.Кажне почеламутлан мурсемым возымо шуэш,-йу"к шоктыш.
Куд кече почела мыланем  мурылан семым колта.
- Вашке Энеру"мбал ялыштыда ял пайрем лиеш."Энеру"мбаке тол,йолташ" мурым возышым,Линда Николаевалан  мураш пуэм.
 Вес кечын  "Вашке вучал,мием"  муро шочо.Телефон дене йынгыртымек,шке мурен ончыктыш.Кумшо кечын "Йо"ратем кугезе мландым"   почтыш колтыш.
Нылымше кечын вес муро  "Кок шу"м" шочо. Мыланем телефон дене йынгырта:
-Молан ачат Букетов-Сайн? Мый тудлан Аркаш Аршаш псевдонимым пуэм,тыге онайрак лиеш.
Мыйже тудлан увертарышым:
-Ачай  родо-тукым кугезе  Сайн кочайын лу"мжым налын.Мыланем пеш келша.
-Ит у"чаше мый денем.Мыланем Аркаш Аршаш лиеш,рушлаже Аркадий Букет.
 Туманлаш шым ту"нал.
Эше кок мурым кок кече почела колтыш.Тиде "Шып велеш лум" ден " Куандаре,трай".
-"Куандаре трай" мурым шкак мурем,- мане.
Тунамак телефон дене муралтыш.- Вашке олаште Пеледыш пайрем лиеш,вашлийына...
 Пеледыш пайремлан Лариса шу"жарем Ульяновск гыч  уналыкеш тольо.
 Вячеслав мутшым шуктыш.Олаш  касвелеш толын шуо.
Пеленже пакетыште йокма.Пурен гына шогале,вигак пелештыш:
-Мый аракам йу"маш уке.Лийын тыгай жап,чот йу"аш  верештын.Шудо чайым веле йуам,-каласыш.-Ачадан  фото-влакшым муыда гын,пеш сай лиеш ыле.Можыч Моркышто концертым ямдылена?Мый чыла ончылгочак ямдылен кертам.
 Мыйже" ачамын 90 ияш юбилейже 2028 ийыште веле лиеш" умылтарышым.
-Молан вучаш,-шыжым але телым ышташ лиеш.Моркыш йынгыртен ончем,тек планыш пуртат.Ирада,кызыт Аркадий Ивановичын фото-влакшым пелен налам.Ончычак ямдылалташ ку"леш.
-Ачам И"аида лу"мым пуэн,молан Ирада маныда?
-Ит сыре,Ирада лу"м мыланем путырак келша.
 Кас марте Лариса шу"жарем,Славик дене пырля кутырен шинчышна.Кас велеш мыланем ластыкыш  шке кидше дене йытыра почерк дене возыш:
 Ош поро Юмо!Мэр кугу Юмо!Пурышо Юмо!
 Еш перке,корно перке,пиал перке,тазалык перке лийже.
 Мыйын чыла сай.Пиалан улам,таза кап-кылан,ку"сен тич оксан,поян уш-акылан.
 Ош поро кугу Юмо! Тачысе кечым эртараш  тыйын кидышкет пуэм.Перкем ыште.
 Возен,кидышкем кучыктыш да пелештыш:
-Колышо деч йо"ным йод.Юмо деч полышым ,перкем йод.
-Тау,-маньым.
Эрден эрак Вячеславын пелешыже йынгыртыш:
-Славик,мунан чывына колен.Мо"нго" толде от керт.
Тунамак тудо ойгыраш ту"нале.
-У"дыр-влак,Пеледыш пайремыш ом кай.Кызытак ялыш  по"ртылаш перна.Ида сыре, чыве нерген веле шонем,-вашештыш.
-Ме шонышна пайремыш пырля каена.Мом ыштет,чывет шергаканрак,-каласышна.
Омса марте ужатымек,кузе автовокзал марте логалаш  умылтарышна...

 11.11.2026