Атама тарыгъыу

Ашыкъны сёзю джюрекден чыгъар,
Акъыл сюзгючден сюзюлюб агъар,
Кертини = махдар, аманны - сёгер,
Аны ючюн да чекмезин  чегер.

Байракъны тутхан айгъакъ болады,
Аны бетине боран  урады,
Аны аллына зары чабады,
Аман, иги да джагъыу джагъады.

Бюгюннгю кюнде билген – керахат,
Джахиллик  болуб тёрню алгъан зат:
Керти ашыкъгъа  къара тартылыб,
Фахмусузланы джолу ачылыб.

Джалауч къауум джырчыладыла,
Къытакъыл къауум хыртчыладыла,
Къуллукъчу къауум - амандан ары,
Кимге баш салсын инджилген джарлы?!


Рецензии